Sunday, May 24, 2015

စစ်မှန်စွာ နေထိုင်သူတို့ရဲ့ အမူအကျင့် ၁၀ ချက်

စစ်မှန်စွာ နေထိုင်သူတို့ရဲ့ အမူအကျင့် ၁၀ ချက်
လုပ်ငန်းတစ်ခု တည်ဆောက်နေတာပဲဖြစ်ဖြစ်၊ မိတ်ဆွေ အပေါင်းအသင်း ရှာဖွေနေတာပဲဖြစ်ဖြစ်၊ မိတ်ဆွေ သူငယ်ချင်း ပေါင်းသင်းဆက်ဆံရေး တည်ဆောက်နေတာပဲဖြစ်ဖြစ်၊ ခင်ဗျာ အနေနဲ့ စစ်မှန်စွာ နေထိုင်သူတွေကို ရှာဖွေပါလိမ့်မယ်။ တကယ်တမ်းတော့ ဘယ်သူကမှ လိမ်ညာ ဟန်ဆောင် တတ်သူတွေနဲ့ အလုပ်မလုပ်ချင်ကြပါဘူး။ အဲဒီတော့ တဖက်က ပြန်ကြည့်ရင် သူတို့ကလဲ စစ်မှန်စွာ နေထိုင်သူ တွေနဲ့ပဲ အလုပ်တွဲ လုပ်ချင်မှာပါ။ တနည်းအားဖြင့် ခင်ဗျား ကိုယ်တိုင်လဲ စစ်မှန်စွာ နေထိုင်တတ်ဖို့လိုတာပေါ့။ ဒါပေမယ့် ခင်ဗျားအနေနဲ့ ကိုယ်ကရော စစ်စစ်မှန်မှန်ရှိရဲ့လားဆိုတာမျိုး စဉ်းစားမိမှာ မဟုတ်ဘူး ဆိုတာ သိပ်သေချာပါတယ်။
တကယ်လို့များ စစ်မှန်စွာ နေထိုင်သူ (Genuine) ဆိုတာဘာလဲ လို့ စဉ်းစားနေတယ် ဆိုရင် သူနဲ့ အဓိပ္ပါယ်တူတဲ့ တခြားစကားလုံးတွေကတော့ လက်တွေ့ သဘာဝကျသူ၊ အမှန်အတိုင်း နေထိုင်သူ၊ ရှင်းလင်းစွာ ပေါင်းသင်းဆက်ဆံသူ၊ ရိုးသား ဖြောင့်မှန်သူ ဆိုတာတွေပဲ ဖြစ်ပါတယ်။ စစ်မှန်စွာ နေထိုင်သူတွေဟာ သူတို့ရဲ့ အတွင်းစိတ်နဲ့ အပြင်ပန်း ပြုမူဆောင်ရွက်မှု အနည်းနဲ့ အများ ဆိုသလို တူညီကြပါတယ်။ ခက်တာက ဒီအရည်အချင်းကို ခွဲခြား သတိပြုမိဖို့ အင်မတန် ခက်ပါတယ်။ ပြသနာက လူသားတိုင်းရဲ့ တုန့်ပြန်မှုတွေဟာ အခြေအနေပေါ် အမြဲ မူတည်နေတာပါ။ ကျွန်တော်တို့ရဲ့ တခြားတစ်ယောက်ပေါ် ထားရှိတဲ့ အမြင်တွေဟာ ကျွန်တော်တို့ အဲဒီိ လူကို ဘယ်လို ရည်ရွယ်၊ သတ်မှတ်ထားသလဲ ဆိုတဲ့အပေါ် မူတည်ပြီိး ဖြစ်ပေါ်နေတတ်တာမျိုးပါ။
စစ်မှန်စွာ နေထိုင်တယ် ဆိုတာ တကယ်ကို ရှားပါးတဲ့ အရည်အသွေးပါ။ လူလိမ်တွေ၊ အလွန်အကျွံ ကြော်ငြာတဲ့ မီဒီယာတွေ၊ တကယ်မဟုတ်တဲ့ ဟန်ဆောင် အကျင့်စရိုက်နဲ့ နေထိုင်သူတွေ၊ အကောင်းမြင်သူတွေ၊ နာမည်ကြီိးတဲ့ ပုဂ္ဂိုလ်တွေနဲ့ ပြည့်နှက်နေတဲ့ လောကမှာ လူတိုင်းဟာ သူတို့ဆီမှာ မရှိတာကို လိုချင်ကြပါတယ်။ ဘယ်သူကမှ ကိုယ်ရဲ့ လက်တွေ့ တကယ့် ဘဝကို ကျေနပ်စွာနဲ့ ပျော်ရွှင်တာမျိုး မရှိကြပါဘူး။ အဲဒီထက်ကိုမှ ပိုပြီိး အရေးကြီးတာက ဒီလို လိုချင်မှုတွေ၊ ဟန်ဆောင်မှုတွေ၊ မပျော်ရွှင်မှုတွေ ရှိနေတယ် ဆိုတာကို ဘယ်သူမှ ဝန်မခံချင်ကြပါဘူး။ ဒါကြောင့်မို့လဲ မိမိသဘာဝအတိုင်း စစ်မှန်စွာ နေထိုင်တတ်သူဆိုတာ တဖြည်းဖြည်း ရှားသထက် ရှားလာပါတယ်။
ဒီလိုရှားပါးတဲ့ စိတ်နေစိတ်ထားရှိသူတွေ ကို ရှာဖွေတွေ့ရှိနိုင်ဖို့၊ ခင်ဗျားကိုယ်တိုင်လဲ ကိုယ့်ကိုယ်ကို သုံးသပ်နိုင်ဖို့ အတွက် စစ်မှန်စွာ နေထိုင်သူတွေ လုပ်လေ့ရှိတဲ့ ကိစ္စတွေကို အောက်မှာ တွေ့နိုင်ပါတယ်။

၁။ စစ်မှန်စွာ နေထိုင်သူတွေဟာ တခြားလူတွေ သူတို့ကို အာရုံစိုက်အောင် ကြိုးစားမနေပါဘူး
သူတို့တွေဟာ သူတို့ရဲ့ အတ္တမာန (တနည်းအားဖြင့်) ဖြစ်တည်မှုကို အဆက်မပြတ် တည်ဆောက်နေစရာ မလိုပါဘူး။ တခြားလူတွေရဲ့ အာရုံစိုက်မှုကို တောင်းတသူတွေကတော့ သူတို့ဆီမှာ ဘယ်သောအခါမှ မပြည့်နိုင်တဲ့ လိုအပ်ချက်ကြီိး ရှိနေပြီး အဆက်မပြတ်ကို ဖြည့်ဆည်းနေရလေ့ ရှိပါတယ်။ စစ်မှန်စွာ နေထိုင်သူတွေကတော့ သူတို့ကိုသူတို့ယုံကြည်မှု ၊ ကိုယ့်ကိုယ်ကို သတိနဲ့ စောင့်ကြည့် မှုတုိ့နဲ့ လိုအပ်ချက်တွေ မရှိဘဲ ပြည့်စုံပြီး ဖြစ်ပါတယ်။
၂။ သူတို့ကို တခြားလူတွေ နှစ်သက်ခြင်း မနှစ်သက်ခြင်း အပေါ်မှာ စဉ်းစားမနေပါဘူး
ကိုယ့်ကိုယ် တခြားလူတွေ ကြိုက်ဖို့၊ သဘောကျဖို့ လိုအပ်တယ် ဆိုတာဟာ မလုံခြုံမှုနဲ့ အမြဲ လိုချင်နေမှုတွေက မွေးဖွားလာတဲ့ စိတ်ပါ။ အဲဒီ စိတ်ကပဲ တကယ်မဟုတ်တဲ့ လိုအပ်ချက်တွေကို ကိုယ်ကိုယ်တိုင်ရော တခြားလူတွေရဲ့ စ်ိတ်ခံစားချက်တွေကိုရော လှည့်စားဖို့အတွက် ဖန်တီးပါတယ်။ ယုံကြည်မှုရှိပြီး စစ်မှန်စွာ နေထိုင်တဲ့သူတွေ ဟာ ကိုယ့်ဟာကိုယ် နေတတ်သလိုပဲ နေပါတယ်။ ခင်ဗျား သူတို့ကို သဘောကျတယ် ဆိုရင်လဲ သူတို့အတွက် ဘာပြသနာမှမရှိပါဘူး။ ခင်ဗျား သဘောမကျဘူးဆိုရင်ရော.. အဲဒါလဲပဲ သူတို့အတွက် တကယ်ကို ဘာပြသနာမှမရှိဘဲ အဆင်ပြေနေမှာပါပဲ။
၃။ တခြားလူတွေ ဟန်ဆောင်ပန်ဆောင် အလွန်အကျွံတွေ လုပ်တဲ့အချိန်မှာ သူတို့ သိကြတယ်
လူ့သဘာဝကို မဆုံးဖြတ်တတ်သူတွေ အတွေ့အကြုံမရှိသူတွေ အနေနဲ့ အလွယ်တကူ အရူးလုပ်ခံရနိုင်ပေမယ့် စစ်မှန်စွာ နေထိုင်သူတွေကတော့ ဟန်ဆောင်ခြင်းမရှိဘူး ။ စစ်မှန်စွာ နေထိုင်သူတွေဟာ ဘာမှမသိတဲ့ သူမျိုး မဟုတ်ပါဘူး။ သူတို့ဟာ တကယ့် လက်တွေ့ပေါ် အခြေခံထားစဉ်းစားတတ်ပြီး အဲဒီအတွက်ကြောင့်လဲ ကိစ္စတွေ သဘာဝ မကျတဲ့ အခါ မဖြစ်နိုင်တဲ့အခါ သူတို့ ချက်ခြင်း သိပါတယ်။ ဒါဟာ တော်တော် ကွဲပြားတဲ့ကိစ္စပါ။
၎။ သူတို့ဟာ သူတို့ရဲ့ ရုပ်ရည်ပုံသဏ္ဍန်နဲ့ ပါတ်သက်ပြီိး သက်တောင့်သက်သာ ရှိပါတယ်
သရုပ်ဆောင် Leonard Nimoy က သူ့အသက် ၇၀ နောက်ပိုင်းမှာ Spock (အသက်အလွန်ရှည်သော ဂြိုလ်သား) အနေနဲ့ သရုပ်ဆောင်ဖို့ ပိုပိုပြီး လွယ်ကူလာတယ် သက်တောင့်သက်သာ ရှိလာတယ်လို့ ဆိုပါတယ်။ ကျွန်တော်တို့ အများစုအတွက်တော့ အသက်အရွယ်ကြီးလာတယ် ဆိုတာ အင်မတန်ရင်ဆိုင်ဖို့ ခက်တဲ့ ကိစ္စတွေပါ။ Henry David Thoreau ကလည်း “လူတွေရဲ့ အပြင်းအထန် ထမ်းပိုးရမှုတွေဟာ အသက်အရွယ်ကြီိးလာတဲ့အခါမှာ စိတ်ဓါတ်ကျဆင်းမှုဆီကို ဦးတည်စေတယ်လို့ ဆိုပါတယ်။”
၅။ သူတို့ ရည်ရွယ်ချက် အမှန်အတိုင်းပြောတယ်၊ သူတို့ပြောတဲ့အတိုင်း လုပ်တယ်.
သူတို့တွေဟာ လိုအပ်တာထက်ပိုပြီးတော့ ပုံကြီးချဲ့ပြီးပြောလေ့မရှိဘူး ။ အမှန်တရားကိုလည်း စကားလုံးတွေနဲ့သကာရည်ဖုံးပြီး ကွေ့ဝိုက်လေ့မရှိဘူး ။ တကယ်လို့ ခင်ဗျားကို ဒီလို စကားတွေ ပြောဖို့ တကယ်လိုအပ်ပြီ ဆိုရင် သူတို့ အတွက်အင်မတန် ပြောရခက်ပြီိး ခင်ဗျားအတွက် အင်မတန် ခံရခက်စရာ ဖြစ်ပေမယ့်လို့၊ သူတို့ ပြောသင့်တာကို ပြောပါလိမ့်မယ်။
၆။ သူတို့အတွက် ရုပ်ဝတ္ထုပစ္စည်းတွေ သိပ်မလိုအပ်ပါဘူး
တကယ်လို့ ခင်ဗျားအနေနဲ့ ခင်ဗျားကိုယ်ခင်ဗျား တကယ်ကျေနပ်မှုရှိနေတယ်ဆိုရင် ခင်ဗျားရဲ့ ပျော်ရွင်မှုအတွက် ပြင်ပ ရုပ်ဝတ္ထု ပစ္စည်းတွေ အများကြီး လိုမှာ မဟုတ်ပါဘူး။ ဘာလို့လဲ ဆိုတော့ ကိုယ့်တိုင် တကယ်ကျေနပ်တဲ့သူဟာ ကိုယ့်ရဲ့ ပျော်ရွှင်မှု ဘယ်မှာ ရှာရမလဲ ဆိုတာ သိပါတယ်။ ကိုယ့်စိတ်ထဲမှာ၊ ကိုယ့် ချစ်တဲ့သူတွေဆီမှာ၊ ကိုယ့်ရဲ့ အလုပ်ထဲမှာ ဘယ်မှာမဆို တွေ့နိုင်ပါတယ်။ ဘာမှမဟုတ်တဲ့ ရိုးရိုးရှင်းရှင်း ကိစ္စလေးတွေမှာတောင်မှပဲ စိတ်ချမ်းသာမှု ရနိုင်ပါတယ်။
၇။ သူတို့ လွယ်လွယ်နဲ့ ထိခိုက်ခံစားမှု မဖြစ်တတ်ပါဘူး
သူတို့ဟာ သူတို့ရဲ့ အတ္တကို အရမ်းအလေးအနက်ထား ခံစားမနေတဲ့အတွက်၊ တခြားလူတစ်ဦးတစ်ယောက်ရဲ့ ထိခိုက်နစ်နာစေလိုရင်း မဟုတ်ဘဲ ပြောတဲ့ စကားတွေအပေါ် လွယ်လွယ်ကူကူ အထင်အမြင်လွဲမှားပြီိး ထိခိုက်ခံစားမှုမျိုး မဖြစ်တတ်ပါဘူး။

၈။ သူတို့တွေမှာ ရက်စက်မောက်မာတဲ့ စိတ်ထားမျိုးတွေမရှိဘူး.
သူတို့ဟာ ကိုယ်ပိုင်ကြိုးစားအားထုတ်မှုအပေါ်မှာ ယုံကြည်ချက်ရှိတာကြောင့် သူတို့ရဲ့ကြိုးစားမှုတွေကို ကြွားဝါနေလေ့မရှိဘူး။ အဲဒီလိုပဲ သူတို့ဟာ လွှဲမှားမှုတွေကိုလဲ ထုတ်ဖော်ပြောလေ့မရှိဘူး။ နှိမ့်ချတတ်ခြင်းဆိုတာ ကောင်းမွန်တဲ့ အရည်အချင်းပါ ဒီအပြင် ဦိးတည်ချက် ပြတ်သားတဲ့အခါမှာတော့ ပိုတောင် ကောင်းပါသေးတယ်။

၉။ သူတို့ဟာ အပြောင်းအလဲ မများဘဲ၊ တည်ငြိမ်တယ်
စစ်မှန်စွာ နေထိုင်သူတွေကို ခင်ဗျား အနေနဲ့ ပုံဖေါ်ပြမယ်ဆိုရင် လေးနက်သူ၊ ပြည့်ဝသူ၊ ထိခိုက် မရသူ ဆိုတာမျိုး ပုံဖေါ်ပြလို့ရပါတယ်။ သူတို့ဟာ သူတို့ကိုယ်တိုင် ကောင်းကောင်းနားလည်ပြီး အရာရာတိုင်းကို ရှင်းလင်း၊ ရိုးသားတဲ့ စိတ်ခံစားချက်နဲ့ ရင်ဆိုင်လေ့ရှိတာမို့၊ သူကတော့ ကောင်းတာကိုပဲ လုပ်လိမ့်မယ်ဆိုတာမျိုး ကြိုတင် ခန့်မှန်းလို့ ရနေတတ်ပါတယ်။
၁၀။ သူတို့ပြောခဲ့တဲ့ အတိုင်းသူတို့ကိုယ်တိုင်လေ့ကျင့်တယ်.
သူတို့တွေဟာ သူတို့ကိုယ်တိုင်မလုပ်နိုင်တဲ့ အရာတွေကိုလုပ်ဖို့ အကြံပေးသူတွေ မဟုတ်ပါဘူး။ ပြီးတော့ လူတစ်ယောက်ဟာ တခြားဘယ်သူ့ ထက်ပိုသာတယ် ဆိုတာမျိုးမရှိဘူးဆိုတာ သူတို့ ကောင်းကောင်း သိထားတဲ့အတွက်၊ ငါပြောတာမှ အမှန်ဆိုတာမျိုး သူတို့ သဘာဝ အရလုပ်မှာ မဟုတ်ပါဘူး။
အခုပြောခဲ့တဲ့ နေထိုင်ကျင့်ကြံပုံတွေ အားလုံးဟာ တူညီတဲ့ အနှစ်သာရ တစ်ခုပေါ်မှာ အခြေခံပါတယ်။ အဲဒါကတော့ လက်တွေ့ကျကျ မိမိကိုယ်မိမိ သိခြင်းဆိုတာပါပဲ။ စစ်မှန်တဲ့ အရှိအတိုင်း နေထိုင်တတ်တဲ့ သူတွေဟာ ကျိုးကြောင်း ဆီလျော်ပြီိး လက်တွေ့ကျကျ လေ့လာတတ်တဲ့ တခြားလူတစ်ယောက်က သူတို့ကို မြင်မယ့် ပုံစံအတိုင်း သူတို့ကိုယ် သူတို့ ကြည့်တတ်ပါတယ်။ သူတို့ ခေါင်းထဲမှာ တွေးတဲ့ တကယ့် ရည်ရွယ်ချက်အတိုင်းပဲ နေထိုင်ပြောဆိုလေ့ရှိပြီး ဘယ်လိုလှည့်ကွက် သုံးလိုက်မယ် ဆိုတာတွေ၊ ဘယ်လိုပုံစံနဲ့ ပြောလိုက်မယ် ဆိုတာတွေ၊ လုပ်လေ့မရှိပါဘူး။
ခင်ဗျားအနေနဲ့ အဲဒီလိုလူမျိုးနဲ့ အသိမိတ်ဆွေ ဖြစ်လာရင် သူတို့ဟာ သူတို့ကိုယ် သူတို့ အစကတည်းက ခံယူထားတဲ့၊ သူတို့ကိုယ် သူတို့ ရှင်းပြထားတဲ့ ပုံစံအတိုင်း အနည်းနဲ့အများဆိုသလို တူညီတဲ့ မပြောင်းလဲ တဲ့ သူမျိုးဖြစ်တာတွေ့ပါလိမ့်မယ်။ စိတ်မကောင်းစရာကတော့ ဒီနေ့ခေတ် မှာ ဒီလို ကောင်းမွန်တဲ့ အရည်အသွေး ရှိတဲ့ သူတွေဟာ ပျောက်ကွယ်လုနီးနီး ဖြစ်နေပါပြီ။ ဒီလို အရည်အချင်းမျိုး ရှိတဲ့ သူတစ်ယောက် ရှာတွေ့ဖို့ ပိုပြီးခက်လာသလို၊ ကျွန်တော်တို့ ကိုယ်တိုင်လဲ ကိုယ့်ရဲ့ အရှိအတိုင်း အစစ်အမှန်အတိုင်း လက်တွေ့ကျင့်ကြံ နေထိုင်ဖို့ ပိုပိုပြီး ခက်လာတယ် မဟုတ်ပါလားဗျာ...
ref: http://www.entrepreneur.com/article/243859

0 comments:

Post a Comment